Agur! Agur..!

(gudara dijoa mutilla)

Satarka

Nere Erri

         Zar, argi,

Biotzeko Aberri:

Ez dut alde egin nai nik

Erbestera, zugandik.

         Baiñan... gaur

         Naita ez

Alde egin bear, negarrez!

         Maiteño

         Ta lagun,

Adiskide t'ezagun,

Aita eta ama samur,

Amonatxo zar, ximur...

         Seaskan

         Dagon aur,

Biotz biotzez agur...!

Oi ama! oi nere amatxo maitea,

   Atsekabez zaude!

Oi ama! ez negar, ez nua betiko...

   Lasai egon zaite!

         Erriko

         Alderdi,

Txoko, mendi, baserri,

Benetan zoragarri,

Biotzan unkigarri!

         Banua...

         Zueki

Betiko agur t'erdi!

         Nere Lur

         Maitean

Bezela an, erbestean,

Ez ditut ikusiko

Emen ainbat loretxo

         Txuri ta

         Gorriak,

Lili berdingabiak,

Urrin ona zabaltzen,

Bazter danak usaintzen.

         Eztare

         Enarak,

Xoxo ta urretxindorrak,

         Poz-pozik

         Kantari

Goizeko argiari.

         Nolatan

         Ni bizi

Sorterritik urruti?

         Gautegun

         Aiezka,

Errira begiraka!

Nere Lur Euskalerri,

Itsasoko izar-argi...

         Ezin Zu

         Ahantzi,

Maite zaitut geiegi!!

Oi ama! oi nere amatxo maitea,

   Atsekabez zaude!

Oi ama! ez negar, ez nua betiko...

   Lasai egon zaite!

         Amatxo

         Gozoa

Zu, Arantzazukoa!

         Banua

         Zugandik,

Nere mendi maitetik.

Arren lagundu beti

Zure seme aulari...

         Emendik

         Ain urrun

Beti beldurrez... illun...

Zeruko Ama aundia,

Izar maitagarria,

         Usaindun

         Lilia,

Gorde nere bizia!!!