L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1963 I-II Izar (1963-urtarrilla/ekaina) —Hurrengo artikulua




 

 

Itxastar aurra

 

Gaztelu

 

Oi, ama,

amatxo,

paper txuriz

egidazu txalupa,

txalupa bat

txalupa bi

txalupa bost

amaika.

 

Aurrean branka,

atzean txopa,

eta erdi erdian

masta bat

zorrotza.

 

Oi, nere

txalupa,

txalupa-aldra

polita:

aundi ta txiki

kaiean denak

lerroka.

 

Boga

boga,

mariñela,

joan bear degu

urrutira

bai

Indietara,

izarrak sortzen diran

errira.

 

Aizoialak zabal,

ur aundien barna,

itxasoan egingo ditut

gaua ta eguna,

gaua ta eguna ta

aurrean gidari

artizarra.

 

Boga

boga,

mariñela!

 

Andik kaiera

natorkenean,

oi, nere poza,

ontziak dizdiz

izarrez

eundaka.

 

Eee! mariñela,

bota

aingura.

 

—Eldu naiz,

ama,

izarren erritik

izarrez diztira,

eta izarrak

zureak dira.

 

Oi, nere txalupa,

txalupa-aldra

polita

aundi ta txiki

kaiean neri

txaloka...

 



Literatur Aldizkarien Gordailua Susa argitaletxearen egitasmoa da.