L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1963 III-IV Minezko ezpata (1963-uztaila/abendua) —Hurrengo artikulua




 

 

Alperrik!

 

Gaztelu

 

Ezetz niokan, ezetz,

                —espetxerakoan?

Ezetz niokan, ezetz,

                —etxerakoan?

Bañan an geldi dituk

ire beatzak

                —an geldi dituk!

burni-saretan atzamarka.

 

Bañan an geldi dituk

ire begiak

                —an geldi dituk!

orma zarretan zintzilika.

 

Alperrik! Zerrapo-tartez zear

atergabe

xistu mee zorrotza ari zaidak

gauez

        egunez

                amesgaitzez

aspergarri.. .

 

                Ez ire karraxiz

ez espetxezaiaren biraoz

ez erailearen karkaraz

eztuk ixiltzen iñolaz

zerrapo-tartez datorren

xistu mee zorrotz ori.

 

Ezetz niokan, ezetz,

                —espetxerakoan?

Ezetz niokan, ezetz,

                —etxerakoan?

 



Literatur Aldizkarien Gordailua Susa argitaletxearen egitasmoa da.