L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1963 III-IV Minezko ezpata (1963-uztaila/abendua) —Hurrengo artikulua




 

 

Goiza...

 

Muniategi'tar Sabin

 

Goiza dator txintalari,

Udaberri usañez

egaka eta narrez

bideak betian

dantza-dantzari.. .

 

        Oi, zein eder,

zein eder datozen bai

txoriak eta txori

goiak-goi,

inguma eta abar,

bizimiñez adarrik adar

ezetasun goriz,

zeruetako ametsez

egunakin bat,

goizian goiz!

 

        Ego-otsian datoz egaka,

egun sentiz biziro, alai,

gora-goraka, saltari,

saltari eta maite-miñez

biziaren pozez,

izatekotan, izan!

 

        Ai, ze bide ederrak bidez-bide,

berdiaren berdez,

biotzik biotzera,

eder-min, lorez,

ain usu eta erle!

Izaki guztiak danak-betian,

bultza-bultzaka,

alkarren lei, pozez,

bizia dator bizitzara, goi,

barne-muinetan sutsu,

bai azal eta, mamiz,

izatekotan, izan!

 

Alde guztietan tente,

maite-mizkeriz,

argi lapurketan

goiak-goi,

amesbera betian...

illargia agurtuz,

bizia dator gañezka,

saltoka, argi-gose,

eta, nabarmen,

txoriakin bat

inguma eder politakin

lorez-lore,

zenbatzu egadun lili!

 

        Biotzik biotzera

egoak zabal,

txinta abar-otsian, egaz...

bizitzara datorz kantari

kabi lorretan lor,

neke pozkorrez

lurra zeruratzeko asmoz!

 

        Ze lorketa zoragarri

goiberatze bedeinkatu;

aidean aide,

mokoz-moko,

maite begiratze bakoitzian,

mundu berriak sortu

eta, egaraziz!

 

        Eta, bizi-bizi, mundu

oiek argi-dizdiraz,

minbera eta, ezti,

goraka eta narrez,

gure aurrian daude ernai,

biziari amore,

biziari eskeinka...

eskeinka eta, eske!:

zeru-lorretan gora,

xurrumur gozoz,

arnaska, urduri...

bideak aukeratuz,

bideak iriki ta zabalduz,

neke pozkorrez

bizitzara datoz deika

deika eta, zai,

besarkada aundi batian,

zeruakin lurra

biozkiro alkartuz,

izan-min batian

izatekotan..., izan!

 

        Belarrak ere

ikusmin berdez, adi-adi,

adi-adi jarri dira

intz-tantoakin dantzari;

dantzari eta, tente,

goietara begira,

odeiakin ameslari.

 

Eta, olaxe,

bidez-bide,

goraka dator bizia arloz,

dei eta, atozte,

txinta, eresi beroz,

zerbaiten gurari,

zerbaiten egarri...

egoz-ego,

mokoz-moko,

bata-bestiaren poz,

bata-bestiaren nai...:

dana larrosa, dana lore,

geroa zer dan, zer eztan,

maite-lilluraz,

biarko pentsamentu gabe!

 



Literatur Aldizkarien Gordailua Susa argitaletxearen egitasmoa da.