L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1964 III-IV Udazkena (1964-uztaila/abendua) —Hurrengo artikulua




 

 

Illunabarra

 

Olabeaga'tar Iñaki, F.S.C.

 

Ikaraz il da eguna...

Ikus zazu urrutian,

eguzki gainberatua,

Dizdiz apaletan,

margozko laiñotan,

ziaro ezkutatua.

 

Or dator Illunabarra...

Illunak egin du lana,

lur-itxaso zabalean,

estalki beltz-mee,

polliki ta bare,

ixillik edatutzean.

 

Dana ager da ziaro

aldatua. Ni luzaro

nago arretaz begira.

Biotza dut dardar,

ezpaiñak irripar;

barruan gogo lillura.

 

Eliz-dorre luze ederra

liraiñ, lerden agertzen da.

Baso-ertzeko izaiak,

aizek eragiñak,

goi-luziagoak,

txori aterpe egokiak.

 

Illun...! etzera nagusi;

orra agiri illargi.

Zurbil, zillarrezko dizdiz

baso, txoko beltzak,

erreka zuluak,

jantzi dira bere argiz.

 

Malda bera ara ardiak;

ixillune etentzale

beren zillar txintxarriak.

Polliki, polliki,

dana dago geldi.

Egun ta gauen pakiak

ixillik dira egiñak.

 



Literatur Aldizkarien Gordailua Susa argitaletxearen egitasmoa da.