Goizeko belar...

Muniategi'tar Sabin

Goizeko belar, garo artean

intza dardaraz dago etzana,

lur-eguzkitara biotz dana

eder-argitze bete-betean.

Bizidun guztia dator gora

indar beroz, bideak betean

aize eme, eguzki gozoan

indar berrituz, ego-ikara.

O!, ze itxaropen aize eme,

ze, argi-loratze ze, iturri

ze, biozkada ta, aupada eze,

sormin hizian, dana eresi!

Dana dator Iaungoikozko bidean.

O, bai goraketa ikusgarri,

lur biotzez gain eta, zeruetara

maitezko arlo eskuragarri!

Millaka biotz zabaldu dira

millaka ego, millaka erle,

millaka amets eta, lillura,

poztasunezko zerutza bizi.

Maitasun bideak dira bai,

bizitzako itxaropen bide

biotz-arloak, goraka, alai,

ikututxo eder baten eske.

Ta, bidertzetan loreak daude

dei ixillean, maite ikaraz,

noiz etorriko noiz, bere erle...

kukulluz gain, eztiki, egaz!