L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1965 I-II Ikurrin (1965-urtarrila/ekaina) —Hurrengo artikulua




 

 

Nere biotz!

 

Satarka

 

Nere biotz,

         Adi nazak

Ire neurrian taka-taka

         Ari adi.

         Geiegi ler-

Egin gabe, arren, pixkaka

         Ari adi.

 

         Nere biotz,

         Adi nazak:

I aiz nere arnasa... I aiz

Nere bizia... Maitatzen aut

Agitz... Txori politak ama

         Bezelaxe,

Maitatzen aut gogo guztitik.

         Maite-miñak

Dirala-ta... ez larritu iñoiz.

         Otoi, nere

         Biotz gorri,

         Ez illundu,

         Ez, geiegi!

 

         Nere biotz,

         Adi nazak:

I gaxotu-ta gelditzen ba'aiz,

         Oi! nereak

         Egingo dik!

         Atsege izan

         Arren... ire

Bidean zut... aurrera beti...

         Bestela ni...

Bein betiko agur, igandik!

 

         Nere biotz,

         Adi nazak

         I aiz nere

         Puxka... I aiz

Nere barru-barruko jabe

         Ta nagusi...

         Ik nai ba'duk...

Gau ta egun ongi biziko

Gaituk, beti zoruntsu ta alai

         Alkarrekin.

 

         Nere biotz,

         Adi nazak

Ez gaituk ez lore gazteak.

Ez da ere zuaitz igarrak.

Gaur, oraindik kementsu gaituk.

         Ago... ago...

Luzatu itzak urte batzuek,

         Ta orduan...

Oi! ilko gaituk alkarrekin!

         Nere biotz!

 



Literatur Aldizkarien Gordailua Susa argitaletxearen egitasmoa da.