Ama

Enbeita'tar B.

Nere sorrera eta

Jaiotza urrena,

Ugatz gozuarekin

Indartu ninduna

Beti nun ikusiko

Semearen ona;

Ni pozik ikustia

Bere zoriona.

Ez da azaltzen errez

Aman maitasuna.

Gauza aundirik ez dot

Neure AMA-ntzako

Naiz-ta berak daukana

Izan neretzako.

Beraz agertu arren

Gu eskar txarreko,

Beti daukagu gertu

Dana parkatzeko.

Nok euki leiken AMA

Bizi guztirako.

Seme alabak, AMAI

Guztia zor dautsa,

Lenengo jaiotza ta

Bigarren bizitza.

Bere edolez egin da

Damosku ugatza;

Bardin maitatzen gaitu

Eder, polit, motza.

Oxin sakona dogu

Amaren biotza.

Laztan gozo artian

Ni azi ninduzun,

Sarritan emonagaz

Kontau ala mosu.

Umetan eta gero

Egiñagaz kasu,

Gaur be zu gabe, AMA,

Ume-zurtz naukazu.

Zeruan bere zeugaz

Eruan nagizu.