L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1965 III-IV Bertso urratuak (1965-uztaila/abendua) —Hurrengo artikulua




 

 

Gudu

 

Aurraitz

 

Gugu ankerra!

zeure atsekabe ta oinazeakaz

il zenduzan, betiko,

nire barruko baretasun eta poza.

 

Gazte nintzan. Guztiz gazte.

Baina errukibarik sartu eustan,

biotza zear, sastakai zorrotza.

 

Ta ankerki urratu

neure aragi gordina.

Arrezkero minbera daukat gogoa,

ta atertzeke dariste zauriak odola.

 

Negarrez azazketako baino

minbereago dot biotza,

—negarra ez da izan be gizonen osakaia—

ta atsekabe ta lorpean dantzut

Erriaren anotsa.

 

Bakarrik noa, tontor elkorrean,

pentsamentuen bakartada itzelean,

nora eztakidala,

ta neure antzeko zaurituen bat baino

ez dot aurkietan

bere atsekabean iezarrita

—nekez apurtuta—

zetara io ez dakiala,

ioandako aldiari deutsala

mundu ausiari begira...

 

Ta negarrez dakustaz basoak

gogaibarik igesi doakun

gaztediari begira.

 



Literatur Aldizkarien Gordailua Susa argitaletxearen egitasmoa da.