|
Ixildu zan txoria
Satarka
Ikaraz duaz usuak,
Mendiya dago ixillean.
Amar gazteren lerdena
Bizitza barik lurrean!
Lauaxeta
Ziña intzan,
Gaztea,
Ogia baiño obea.
Koldarkeririk gabe
Euskera ukan ik maite.
Urtxindor
Kantari,
Goi-goiengo olerkari.
Ez uan ez,
Ik uste,
Ustekabean
Ilko intzala...
Ain gazte!
Idazle
Sakona,
Langille zintzo t'ona,
Euskalerri barrena
Zabaldu uken izena.
Idazle
Sakona,
Langille zintzo t'ona.
Olerki
Apañak
Ireak, txit bikañak.
Biotz-muñ unkigarri,
Itun naiz alaigarri.
Udako
Loreak
Usai gozoz beteak.
Udaste
Alaian
Lilitxoak zelain,
«Eta ingumak loretan
Urtxindor bi kantetan».
Udaste
Alaian
Lilitxoak zelaian.
«Bedarrez,
Burdiya,
Ain samur abestiya.
Arrats onen usañat
Norantz zuaz burtzaña?
Bedarrez
Burdiya
Ain samur abestiya!»
Oi!... ire
Oroitza!...
Oroitzaren mingotza!
Oi, Amayur, Amayur,
Dana arri puskez ta lur!
«Ta berreun
Gudari
Gaztelupian illik».
Tximistak,
Trumoyak,
Arri ta euri jasak,
Goitik bera lurrera,
Danak ire gañera.
Gero zer,
Zer gerta
Ain intzan i ausarta...
Etsaiak
Il-azi?...
Ez geniken ikasi!...
Ez uan ez,
Ik uste,
Ustekabean
Ilko intzala...
Ain gazte!
Il intzan,
Bañan nun?...
Jaiotetxetik urrun!
Ama utsirik negarrez,
Ta gu berriz naigabez!
Min dik, bai,
Biotzak,
Zast... zast... labain zorrotzak!
Ixillik
Txoriak,
Atsekabez liliak...
Ire maitale ituken
Udalen ederrean!
«Axia
Loretan,
Maitasuna kantetan».
Ez uan ez
Ik uste,
Ustekabean
Ilko intzala...
Ain gazte!
Jaunaren
Altzuan
Or ago orain zeruan.
«Ta zeureganutz doya
Goiz-gaxaldeko otoya».
Jauna'ren
Altzuan
Or ago orain zeruan.
Ago beti ortxe,
Zurt eta atzarri,
Euzko olerkarien
Izar gidari!
Emaiguk laguntza,
Indar ta kemen,
Euskera zaitzeko
Bizirik, lerden!
Agur, «Lauaxeta»,
Adiskide maite,
Zeruan betiko
Alkar besarka arte!
|
