Matxin-saltokarixa

T. Etxebarria

Goethe-n Fausto-tik ideia artuta.

Gu, gizonok, izatera

Jaungoikuan idurixa,

zati aundi bat gure antzera

da Matxin-saltokarixa

Kontentuz ez da lurreko,

or jatsu sortuta eguak,

egazti erren agertzeko

neurtu gurarik zeruak.

Aragixa —guk doguna

espiritu ariñan aurka—

ak, dermato-soiñ astuna,

lau eguen kontra dauka.

Eta eguak, gorantzian,

zeru garbi, urdiñera

aintzen daben bakotxian,

astunak dakar lurrera.

Ez larregi jaso deiñ

ta ez iraun deixan aidian;

naikua uste noizian-beiñ,

kiñu bat goi-urdiñian.

Eta onen txarrenan txarra,

doyala gota ta gota,

Naiku! ta jausi biarra

ez jakiñian, ai, nora.

Ta sarri jako gertatzen,

zeru garbixa amesetan,

buruz bera, ene baten,

jaustia zimaur loixetan!