L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1966 I-II Ikus-miran (1966-urtarrila/ekaina) —Hurrengo artikulua




 

 

Emongo deutsut

 

E. Erkiaga

 

Ez deutsut emon, maitetxu,

nire biotzaren giltzik;

txoriak maite, abia;

ez dau nai gizonen itzik.

 

Ez neutsun emon, maitetxu,

eskubide ain aundia;

txori-kantak maite ditut,

maiteago goi-bizia.

 

Emongo deutsut, emongo,

noizbait ni naizen guztia,

batera lortutekotan

betikotasun zuria.

 

Ez deutsut emon, maitexu,

biotz neurearen giltza.

Giltz orrek euki dauka-ta

zerutiko urre-bitsa.

 

Emongo deutsut, emongo,

maite-laztan eta mosu

biontzat gora-bidea

zeuk eskintzen badeustazu.

 



Literatur Aldizkarien Gordailua Susa argitaletxearen egitasmoa da.