Ibilliz

Muniategi'tar Sabin

Ibilliz,

Eguna bizi

eta, irabaziz...

O, zoaz bai,

zeure ardo,

zeure ogiz

zoaz,

zeure bidez...

Baño,

ai! bideari,

egunari

ez itsu,

ez gor egin.

Argi eske,

ogi eske...

Bidean

itsuak,

errenak,

tristeak

oiu ixillez

esku bearrean dagoz

oñazez,

arima zauritu

eta, biotz minduak.

Bai, bidean

bideari zera

eta, bidekoari

ez entzungor,

ez ez-ikusi

ez itsu egin.

Zoaz onez

ta, entzun zeure biotz

ta, urkoari;

entzun negar-malkoetan

aizeak minbera

dakarren dei,

dei laztanari.

Entzun gogoz

entzun,

barrenetako eskari

eta, biziari darion

bizi-nai,

anots estuari.

Ibilliz,

Eguna bizi

eta, irabaziz...

zoaz bai,

eta, izan zaitez

(arako samaritar ona bezela)

Iaungoikoa bere bide-egintzatan,

egin-egiñean daraman bidazti

esku biozgarri.