L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1966 III-IV Dolorezko izarrak (1966-uztaila/abendua) —Hurrengo artikulua




 

 

Umearena

 

Muniategi'tar Sabin

 

Lorarik lora dabil

—¡Bai inguma polita!—

Lorarik lora dabil ama

Eta, nik ezin arrapatu,

 

Ezin arrapatu

Mitxeleta txuri-baltz ori!

Egoak ariñak,

Ariñak dituz bai, ama!

 

Zelaiak udabarri usaia dauka,

Udabarri usaia euki eta,

Mitxeleta ori

Eskua luzatuarren, egaka...

 

Neure inguruan,

Neure aurretik egaka dabil

Egaka, beti!

Egoak ariñak.

 

Ariñak dituz bai, ama!

Gerturik; daukat txapela,

Baita txirtxirri kaiola...

Baña, alegiñak egiñarren,

 

Ezelan ezin arrapatu,

Ezin arrapatu,

Ene ama!

Egoak ariñak.

 

Ariñak dituz bai, ama!

Eguzkia sartaldean

—Bakarrik nago eta—...

Sartaldean sartu baño len,

Zergaitik etzatoz, ene ama,

 

Zergaitik etzatoz

Neuri laguntzen?

Egoak ariñak,

Ariñak dituz bai, ama!

 



Literatur Aldizkarien Gordailua Susa argitaletxearen egitasmoa da.