Orbelok

B. Gandiaga

Orbelok nazan oni

jausi balitxakoz!

Makal au lez banengo

ain soil itzal t'ostroz,

zuzen ta adapo gabe,

garbi ta adar jasoz,

aidera, dena aidera,

t'egondura-zorroz!

Almen eta zentzumen,

iokera ta begi,

alturako paraje

leun artara tinki...

Nai neuke arimatik

litzakitan jagi

zugaitz au, neure taju

t'otoitza baledi.

Ain billoiz eta ain luze

t'egon lirain ontan,

ikusbegi bat ozta,

dena argi aunditan,

zein yorankor zugaitza,

garai zurtu ontan,

zirkiñik gabe zutik,

gorada gelditan!