L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1968 I-II Bakardade (1968-urtarrila/ekaina) —Hurrengo artikulua




 

 

Otsailla

 

Piku

 

Zillar illunez daude beteak

zeru itunen arrats odeiak;

zillar izuna jario daude

mendi guztian iturbegiak.

        Lorerik ez da

        gurdi zaarrak

        urratu zuten

        bitxur berrian.

        Odolik ez du

        illunabarrak

        neguko zeru

        berun goitian.

Larrugorrian daude zugatzak

otzez beterik ibai ertzean;

zeruko mugak urraturikan...

beren adarrak bakardadean.

        Sorgor luzean

        etzanda dago

        izadi ama

        sortze miñetan.

        Lore eta osto,

        aritz ta pago,

        gauza guztiak

        izan naietan.

Jarraitu, ama, mingots ogean,

negu billoizaren lo-abaro;

jarraitu, jantzirik, lotan luzaro.

 



Literatur Aldizkarien Gordailua Susa argitaletxearen egitasmoa da.