L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1968 I-II Bakardade (1968-urtarrila/ekaina) —Hurrengo artikulua




 

 

Gazte denpora ez da etorriko

 

B. Enbeita

 

Udabarrian lorak

Dira zabalduko,

Eta txoriak bardin

Dabe abestuko.

Baiña gazte denpora

Ez da etorriko

Udabarriak bere

Ez dau ekarriko.

 

Gorputza sendo eta

Arpeia barrezka

Neugaz maite minduta

Begira ainbat neska;

Lora danak usaintsu,

Amesak gaiñezka,

Gomuta asko barik

Geroaren kezka.

 

Baiña urtiak beti

Erlojuak legez

Etorri eta juan

Beingo baten doiez;

Ainbeste maite mindu

Zirianak nigez,

Orain barre eginda

Albotikan iges.

 

Amaitu ziran maite

Minduen bezuzak

Eta ainbeste lorai

Eindako promesak.

Alperrik gogoratu

Gaztetako gauzak;

Lengo laztanen ordez

Orain kalabazak.

 

Orain mutil zartuta

Aurpegia tximur,

Gazteakin ibilten

Lotsa eta bildur

Indarrak berantza ta

Pausua oso labur.

Agur, gazte denpora,

Betirako, agur!

 



Literatur Aldizkarien Gordailua Susa argitaletxearen egitasmoa da.