L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1968 III-IV Uhaina (1968-uztaila/abendua) —Hurrengo artikulua




 

 

Zuzen-zale guzien egunean

 

Gaztelu

 

ezin uka

gizonen burruka

zuzengabetik dator

eta da galkor:

alde batetik

zuzen-gosea

eta bestetik

indar zapaltzallea,

hortik

bien arteko gerra

eta herra

ezin asea:

zu ta ni ta besteak

hartzen gaitu aserreak

mundu zabalean

ikusirik

gizonen arteko

zentzugabekeria,

bitartean

mugagabea

gizonen dolorea...

 

zuzenak noiz behar du garaitu

eta esanen: gizona da buru?

 

zorionekoak

zuzen-gose-egarriak joak

zorionekoak

zuzentasunagatik erasoak

zorionekoak

negar dagitenen malko beroak:

zuentzat geroak

ekarriko pozaldi oparoak...

 



Literatur Aldizkarien Gordailua Susa argitaletxearen egitasmoa da.