Apokalipsiko zaldi errenak

(Prometeo hillezkorra)

Joxe Azurmendi

Ondamendira ei doa mundu hau

zoroa dalako.

Antxinako tradizinoa du

horren zor ta bildurti ta zentzungabe

izatea. Agian beste milla edo

milla bi urte pasako dira ba lasai

zubipetik onda dedin arte.

Mundu honek ez du ondamendirik merezi.

Zaldi errenak datoz apokalipsian.

Edo agian bidea erratu dute.

Nahi ez zituzten umeekin erditu dira

ama guztiak munduan.

Poliziak ez du metafisikarik ixturiatu.

Bazkariko indibabak gatzik gabe zeuden.

Gauza handirik ez, okerreria vulgar bat.

Tabuz armaturik datoz begietaraino

zaldiak.

Enamoratuta dago,

ta arrats batean dana ondatu zuen,

herriko atari guztiek dakite nola.

Mixeria utsa, besterik ez.

Gizona ez da gaiztoa.

(Agian ezta ona ere).

Total, azkenean

gurutze batean hil zan Jesukrixt,

egiaren egarri zan-eta

pozoia edan zuen Sokrate-k,

urdai txar bat janda

joan omen da Buda Nirvana-ra.

Mixeria utsa. Ogei ejenplo

multiplikatu beharko nituzke.

Zaldi tixikoak

datoz munduaren apokalipsian.