L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1981 (1981) —Hurrengo artikulua




 

 

Iratzarri nahi nuke

 

Mikel Zarate

 

Uda bihotzeko eguzki bero,

zemento grisezko bloke zapalkor,

gas pozoitsuaren ke laino mozkor,

sorgin haizearen hauts dantza ero,

 

motor durrunda... ta, zu, egunero

infernu gris hortan, egunero hor

arima grisdun lur pusketa lehor,

zure jaunen robot, baloi, numero...

 

Iratzarri nahi nuke barnean

lotan daramazun gizon poeta,

gizon aitzindari eta profeta,

izangokoaren ezerezean

zuregan dagoen gizon euskaldun,

iratzarri zeu ta zeure zeutasun.

 



Literatur Aldizkarien Gordailua Susa argitaletxearen egitasmoa da.