L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1981 (1981) —Hurrengo artikulua




 

 

Bilbo Zaharrean

 

Mikel Zarate

 

Odolezko xurrut

ilunabarretan

zoramendu,

su irakina dut

zazpi bihotzetan

sofrimendu.

 

Botxoaren larru

bloke arrotzaren

kuadratura,

jendetzaren barru

bakardadearen

kexadura.

 

Hileta kantuka

zazpi txori nabar

eta arrotz,

oroitzaz mailuka

zazpi txinbo zabar

nigan hilotz.

 

Bakardadearen

inguru hertsian

itzal trakets,

izangokoaren

itxaro larrian

mozkor amets.

 

Odolezko xurrut

ilunabarretan

zoramendu,

su irakina dut

zazpi bihotzeten

sofrimendu.

 



Literatur Aldizkarien Gordailua Susa argitaletxearen egitasmoa da.