L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1981 (1981) —Hurrengo artikulua




 

 

Subako autsak

 

Dolores Amador

euskaratzailea: Anjel Bidaguren

 

Ezer ez nik iretzat eskeko,

ibil-baldar, bide-zear oan orri.

Iturri-agor ni, illunpe gorri...

Oa; ezer ez nik iri emoteko.

 

Izotzak jana baratzean lilia,

sutondoan, bakarrik, subako autsak.

Su eta argi, oro dok itzalia.

Ez adi geldi emen; ilko au utsak.

 

Arantzen urratuz, zauriz negargarri,

atseden eske, alperrik, begi larri.

Ire ezaren gorriak ni ixilla.

 

Alperrik aut begira, ixil eta lotsa.

Obe dok ikusi oro dala illa,

amestu bako kabi otzaren utsa.

 



Literatur Aldizkarien Gordailua Susa argitaletxearen egitasmoa da.