Zu gabe, zer?

Arrinda'tar Anes

Zure esku altsua,

oiñarri dana,

gure azpitik kentzean

ondamendia gugana;

ondartzan umeak

jaso duan gaztelua

gure zuzentasuna...

Nere txaluparen lema

zure eskuetan

ez bada,

zertarako dira

jakinduri guziak?

Eutsiko gaituan

gaztalurik ez da

zure babesetik at...

Zure eskua galtzean

ur-aundietako ondoan

ondoratzen gera...

Eusten badiguzu, ordea,

arnas artzen degu...

Azalean

sendo-iraun-eziña,

gure izaki-muiña;

zuretik, Jauna,

sendotasunak.

Izotzak

izozten gaitu barna;

suaren epela

guretzat

zure babesa.

      * * *

Arrokeria

zure aurrean

eguzkiak

goizean

txukatutako intza...

Ustelkor dan aragia,

zer, zure begietan?

Olagintzako buztiña

egillearen eskuetan...

Egia ba'dezu oiñarri

apaltasunean

ta Jainko-mendean

biotza jarri,

arrotuko zaituen itzik

ez da lurrean...

Zer dira

gizonen itzak

itzekin batera

galtzen badira

erak?

Itzaren soiñuarekin batera

iltzen bait da

itza sortutako

agoa berbera...!

Oiñarri sendo betirakoa,

Jainkoa.

      * * *

Gure ekintza osoa,

iturburutik ura,

Zuretik sor ta

zuregana sar,

azken elburura...

                Ala bedi.