L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1981 (1981) —Hurrengo artikulua




 

 

Agurra

 

Ibai-ertz

 

Gipuzkoatik Bizkai aldera

nator bertsoetan kantuz

ortxe dauzkatan anai jatorrak

pozarekin besarkatuz.

Alkarren berri ez dakigu ta

irixten naiz au galdetuz:

Anai arrebok aspaldi ontan

osasunakin zer moduz?

 

Osasun ona daukazutela

diozute bat batean,

eta biotza pozez jarri zait

zueri au entzutean.

Gu ere ondo bizi gerade

Gipuzkoako partean,

ia orrela izaten geran

beste berrogei urtean!

 

Larrea ontan maite dezute

barne muñetan euskera

eta gogotik sala zaitezte

berari sendo eustera.

Gure izkuntza erortzen ba da

goiko gallurretik bera,

euzko semeak or jungo gera

bein betirako lurpera!

 

Eska dezute olerki-bertsok

arreta biziz jartzeko,

eta prest gaude lantegi ori

gogoarekin artzeko.

Gure abesti eta bertsoak

ez gaude gu ukatzeko,

era orretan gure izkuntza

euskal etxetan sartzeko.

 

Zuen gogoa da euskerari

gaur em atea arnasa,

artu dezuten asmo orixe

bai ez degula jolasa.

Nik nerekiko pentsatutzen det

gauzari emanaz traza,

praile-etxetan etzaudetela

jan, lo ta denbora pasa!

 



Literatur Aldizkarien Gordailua Susa argitaletxearen egitasmoa da.