Miguel Soroa'ri

Ibai-ertz

(Tolosa'ko Beotibarren omenaldia

egin zitzaion egunerako jarriak)

Miguel Soroa bertsotan nator

gaur zure aldamenera,

pelotari bat goratutzeko

noiz nai ez degu aukera.

Zere merituz igo ziñan zu

Txapeldunen gallurrera,

orregatikan, dudarik gabe,

guztiz txalogarri zera!

Ezker bikain bat izandu dezu

gure Jainkoak emana,

eta berakin zenbat pelota

dezun bizkor eramana.

Berari esker iaso dituzu

onra, dirua ta dana,

ontzako urrez ezta pagatzen

orrek egin dizun lana!

Gipuzko dana zurekin dezu

batez ere une ontan,

batzuk eupaka, bestek txaloka

zu eskertzeko asmotan.

Zu ikusita egoten naiz ni

au pentsatuaz askotan:

Oraindik ere zu bezelakok

gutxi daudela pelotan!

Jakin, Soroa, zure lanakin

danak pozetan gaudela

itz neurtuetan danen aurrean

danok pozetan gaudela,

nola aitortu bestela?

Bakarka ere, garai batean,

etziñan izan motela,

Riojatikan ekarri zendun

Euskalerrira Txapela!

Ondorengorik baldin ba dozu

semetxoren bat etxean,

pelotarako gogo bizia

sartu ari biotzean.

Aitak bezela joka dezala

bizkor aurre ta atzean,

ordeko on bat izan dezagun

Miguel Soroa zartzean!!