Antz - bidera

Ugarte'tar Martin

                        Osasuntsu omen,

                        San Joan goizeko

                        intza,

                        Txori-izugarri,

                        egunargitan

                        ontza...

Atzo; —alabear San Joan goizean,—

Ontza ikusi nun pagadar kakoan.

Txoriek pilloka inguru-luzean,

gau-lorra galtzera lokamux zegoan.

Pago-buru jiran basa-egaztiak:

Xoxo, Birigarro, Kaxkabeltxa, Pin-pin,

txorrotxio-irriz eztenka guziak.

Txepetx utsa ere, keiñuz altxa zadin.

Arratsaren leran txori-izugarri,

oiu-karrasika jarduniko Ontza;

begi-zuri-zabal denon parregarri,

berekin zularik larru-bete lotsa...

        Atzo ezik gaur bertan,

        —Santu-biaramon

        goizean.—

        Ontza berriro ikusi det,

        oraindik ego aztarrik

        ez daroan Ontza...

        Ta ez baso-zorroko

        pagadar tartean;

        Auzo-ardandeni aurrean etziñik,

        arri-exerleku

        otzean.

        Auzoko txoriek muxin dagie;

        ez mokoan irririk,

        ez azalean begirik,

        naiz-eta zelatan irri-bete,

        leio-zirkil

        barnean.

        Begi biek gorri-txatxuturik,

        ille-bizar luzeak naasturik

        okotzean;

        bart-arratsean «gau-pasa»

        oiuz lerturiko Ontza aurrelaria,

        bare-kurkuillua bezain motel

        argiak

        jotzean...

        ... Atzo, Ontza ikusi nuen...

        Berriro gaur ikusi det;

        —Santu-biaramonean...—