Arrats-betean

Ugarte'tar Martin

Ganduaren oial-zorroa,

zeatz biltzen sabelera:

Arrats-ñabar jantzi umoa,

amets bateratze leloa;

gau-beltzaren pardelera.

Lurrerantza urbil miñetan,

Zeru-estalki zabaja;

eztia ezpain axaletan,

ttanttoak begi-ninietan,

t'ukuitze laztan apala.

Ikusgune ari-zidorrak,

bepuruetan esiak:

Argi-bete errots aztarrak,

entzumen xaloen aparrak;

sabel-utsak irentsiak.

Gau-txori karraxiak sori,

ixil-ausle aldi-maldiz:

Ospeleko kiribildari,

ur-opiltze mur-murtza ori;

Lamen arrabots bailitz.

Arrats-beeraren ondarretan,

gain-zapixka irekia;

inguru-lauso makarretan,

sabel utsera kirikakan;

ilbeera laurdenkia.

Illun-ixillak eriorantz,

gau-beltzaren sein bixkiak.

Zain-lertze-beldur giliberaz,

au uats-aurrek adieraz;

—egun-txintaren izpiak.—