L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1982 (1982) —Hurrengo artikulua




 

 

Utsalkeria

 

Lon Arteaga

 

OH Zein eder, zein lerden

ibaitxo ertzean

euzki-bedar oria

lilluraz egoan...

Urrezko burestuna

ikusiz buruan

mintzo aizetxoari

arro egin eutsan:

 

«Ez da baratz guztian

ager ni lakorik;

lilietan liraiñez

ez liraiñagorik;

baratz-inguru oro

neure mende dot nik;

nire ederra ikustean,

lorak gur apalik.

 

Ziñez, goi-euzki iduri

nire betartea;

ene atsegin oro

euzkia ikustea.

Ta arrats-bera epelez

ibaitxo barnea

—ene aurpegi-izpillu—

pozez ikartzea...».

 

Putz aizeak gogortxo,

ta aurpegi aratza,

lasto biguna ausirik,

ibaitxoan datza.

 



Literatur Aldizkarien Gordailua Susa argitaletxearen egitasmoa da.