Hermana Filomena'ren lorea

Luis Arostegi

(Aita Plazido —Luis Astobiza—

zanak jazokotzat esana)

An, Peru'ko Arequipa'n,

Hermana Filomena'k jatorduetan, bere plater aurrean,

ezin eutson ezelan be negarrari eutsi:

Ainbeste ume ta pobre

goseak illik, bertanbera,

eta au guzti au nitzat.

Jaizu, Hermana Filomena, jaizu,

—iñotson leun nagusia—-,

olan lagunduko dautsezu-ta.

Eta, gero, an joian bizkor

iñondiko uri-bazter ta zuloetan sartzen zala,

gaiso ta beartsuenak billatzen eta

argi-tanta bat eroaten.

Baiña kalean zear joiala

tellatuetatik txoriak jatsiten jakozan

adiskide sorbalda gaiñera.

Eta beste monjaren bat edo

mutikoak urreratzean,

egaz baten iges egiten eben.