L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1982 (1982) —Hurrengo artikulua




 

 

Itauna

 

A. Zubikarai

 

Bein galde neutsan aitari

zer izan bear neban bizitzan;

beiratu eutsan amari,

biak erantzun kezka larrian;

jantziak soiñean dozuz,

gañerakoa itxas ontzian.

 

Ta etxetik urten nitzan

bizarrak urten baiño len,

maitatzen ez nekiala

negar egiten ikasten.

 

Itxasoari esan neutsan

zer izan bear neban bizitzan;

orru andi egin eban,

asarre sortuz olatu gisan;

beste barik ikas neban

zer nitzakean bizi guztian.

 

Ta negarrak kentzen dodaz

karel gaiñean kantari;

gizon zarean edo ez

itandu itsasoari.

 



Literatur Aldizkarien Gordailua Susa argitaletxearen egitasmoa da.