Ongi etorri lendakari jauna

Usagarra-zar

Leizaola zuretzat,

biotzeko itz-bi,

idatzi al banitza

sakon eta ongi.

Auts-azpiko txingarra

zaitu duzun hori,

Aberri txingar horrek

gaur sua dirudi

askatasun bidean

jeiki da Euskadi.

Utzirikan herria

ta zeure etxia,

Aberri kezkaz

Hortxe bizitza guzia.

Ondo zaindu dezula

nago sinetsia,

zoritxarrez «Agirrek»

goizegi utzia,

Euzko jaurlaritzaren

aulki berezia.

Herri honen arnasa

eta izaera,

ekintzak gaurkoratuz

oituraz leenera.

Txalogarri deritzat

zure jokaera,

Aur-Amek batzen ditun

zillaren antzera,

leena gaurrari lotzen

buru izan zera.

Galtzaile jo ginduzten

ogeitabi ta uts,

betirako menpean...

betiko umezurtz.

Bai, gorde ez bazendu

hor, erbestean zuk,

nortasuna damaigun

eskubide batzuk,

nortasun kutxa zera

zoriontzen zaitut.