L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1983 (1984) —Hurrengo artikulua







 

 

Bilaka ta bilaka

 

Baraiazarra

 

Erleak hor bilaka

ziztatzen errime;

bide bila milaka

euskal gizaseme!!

 

Hegalari dardati

lilien ikerle,

nora zoaz nigarti

marmarrean, erle?

 

Hegan zara ibiltzen,

loreñoei txera haien

altxorra biltzen

urduri antzera.

 

Landako belarditan

duzu jostaleku,

lur apaindu argitan

biltzen lore-zuku.

 

Lore-zilari munka

murgilduz lizunkoi

muin-muiñean xurrunga

zabiltza zeurekoi.

 

Hire inguratze hautsi

gartsu ta berritsu!

Bitxi malguz haiz jantzi

burrundari sutsu?

 

Hire lore-irritsa

izurretan ase;

barneko urre-litsa

meatz-hari heze.

 

Bitxi-lorrean ernai

lorerik lorera;

eder-minetan dirdai

ernaltzaile lera.

 

Hire irrika urduri

atsegin zalea

—giza-grina iduri—

muin dastatzailea.

 

Erleak hor bilaka

ziztatzen errime;

bide bila milaka

euskal gizaseme.

 



Literatur Aldizkarien Gordailua Susa argitaletxearen egitasmoa da.