Pago-usoak, egaraz

Korkostegi'tar Xanti

Azillak-7, igande. Oinati'n. 1976 garren urtea.

«Xalbador» olerkari mamitsua il'ik zaigun itungarri eguna.

Onentzako nere eskeintza apal au.

Goi-goitikan goaz,

Urteroko ibillaldin,

Ezagun bidetatik

Ziur geure egaran.

        Ipar aldean jaikirik

Egoruntz lurkoi egaldian

Otzan arrisku igesi

Beroaren billa.

        Bikain aizea ziriki,

Daukagu bultzaka,

Ea, goazte egaran

Bizikor goizetik.

        Ontan, egara batuan,

Etenkor jokaran nunai;

Zorrotz begik zearka

Usokari'ren beldurti.

        Ortzea zein izugarri

Dagona gu-gaindi,

Zillar dizditsu bera;

Atsapar beetik... lurra.

        Ona! kataidun mallak,

Berton arruz aundiak,

Aal ez aldira egiñak

Nekatzu egaztiren lastertzat?

                laburtzaz?

        Gure gidari'ren usman

Bidetik gabiltza,

Elkartuik txoloma ta usok

Moltso eginik danok.

        Zoli joaneran,

Beti beruntz begira,

Egokitu guran ura,

Era berean ezkurrak.

        Izanarren goizaro,

Garai-aldin elkargok,

Agerian aizea biurri

Egiñaz berak eragotzi.

        Mendi ertzak dira gaisto,

Egara lerroan gera motz;

Nun gu!... ezinik igaro,

Mengel ta galduagok.

        Jausirik zaigu ortzikara,

Len goiz-aroen adarka,

Nolako dan gure gain

Goibel jarriz egualdi.

        Laño naasmen igu!...

Emen benetan larri,

Gosea degu barrun

Papoa uts gurekin.

        Bestera guregai egarri,

Or, bean ikuspen,

Arizti ta pagadik,

Uste bako galbide.

        Eiztariak ostape,

Eren izkilluk sama me;

Izate gure dago iene!...

Zurtz zalapar oraintxe.

        Iraultzek geranok unean,

Bizirik uxaka ateraiak,

Abiatu'ik bear gerta

Egaldurikan dardara.

        Eta galeste bidetan,

Alako aldarte ikaran,

Aldun goaz ego aldera

Etsaiak utzita albora.

        Onezko gertarin

Ezta samur iritzi,

Gizona ainda eldu

Gu-danogan kaltetsu.

        Ala-ere, gure izatez,

Lur aietara bear eratu;

An guraik umez berritu

Aieka odol jario'ik emen.