|
Belaunguna
Martin Ugarte
Illunaren
inguru-uztai itxituran,
barneko utsaren
zutabe irudipen goingoak,
ezkotasun izpi baten etekia bailitzan
ttantto txiker
nabaria.
Uneoro izpika,
egitura pizten;
pizten, da borobiltasuna artzen
arnas beta bakoitzean.
Zabaltzen...
Loditzen...
Mugira bitxiaz kizi-pikorkien
aria...
Bai ote dun,
ez ote dun;
punpuillu aizez betearen azalean,
sentiera
aurpegia.
Loditasun inguruguna parpaillean bizi-ñabar,
bapaiñu lurriñaz lurreratze kabuz,
egoera xinplea
luzabide doa,
argizari txorten
azken ttantto ildora.
Bare ezik motel etenaz,
jalgi da itokin
gidaria.
Jalgai...
Luondo gordiñaren mantupe beltzera.
Ama-lur otzaren
errai garden
da antsiz
ebakira...
Bulartarte oparoak
lur-etena emariz,
arresi otz itxituran
argi-ñabar egarriz...
Ur-negar xinplea errotuaz,
iturri min-miña
zirkil biren
biurrena.
Azten-azten,
bitxiz jazten;
aopeko borborioz,
ezti usai giliberaz,
zoribete egoetan
itxas-mami
urdiñera.
Onats abian irmo
bizi-ari itxasgora,
txuri-urdin maindirea
koxka-moxkak
aparrera.
Luzean larri,
lodian sakon,
zearrean baikor;
begipeko zabalera.
Ba'du eztirik,
ba'du gazirik;
bai-eta, zurrunbillo naastuek
indarrik.
Asarrez lur-magalak
zirdinduko ditu,
arri-mokorrak urratuko,
ta orroe txistuaz
zinzurra gordinduko duen arren,
beti ere begi-bete,
beti ere;
gilibera...!
Zapelaitzaren
ega-zapla zaratatsu ondorio,
Lamia'ren soiñeko mendel luzea
begipetik sartalderantza,
lin-oial txuria
erdoi-moltso arre-illun naastuan.
Onen dilindura orraziak,
argi-bete zabaldia
lauso-lausotzen daramala,
ta oskarbi urre-markatsa
arrats-gunak gain-azpi
itzuliaz.
Lausotzen;
zillar-bizi aparretan
itxas-magal txuri-urdin txaltaria,
argi-begi zearrean
ganduaren zapiak
estaliaz.
Zeru-lur nasaien
ezpain-tarte irikia ere,
uin-landar itxuraz,
baikor elkargana bilduaz.
Eta mintz biren ezkoa
gorri-more beltz,
apur-apurka marrazten daramaio
argiguna tarte medarra
itxiaz.
Zillar-parpaildura dirdaitsua,
bare-bare illari otzean
arras
itzaliaz...
...Belaunguna neurtua,
jakiñeko jo-muga itxuan;
geroaren egarazka ariñari
leiatilla
irikiaz... !
|
