L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1985-1986 (1988) —Hurrengo artikulua







 

 

Nekazari

 

A. Bidaguren

 

                        ...........gizandi ta iduri ............

                                                       LIZARDI

 

NEKAZARI, soloan zut,

eguzki golpez landua;

izotz zurien musturrak

goldatu deutsu narrua.

Tantai bat dirudizu,

sospalik sospal sortua.

 

NEKAZARI, soloan zut,

izerdiz narotzen lurra.

Zure odolak daroa

ernemin danen agurra.

Zure eskuen miraria

ogi bigunen edurra.

 

NEKAZARI: soloan zut,

zu itzal aundi bat zara,

ume goseen estalpe,

erro tinkoz, arte zarra,

bekokitik darizula

bizi zurien aparra.

 

NEKAZARI, soloan zut,

bi besoek zabal zabal,

itxaropenen gurutze,

ametsei opari apal

baita zure agoliña,

lurperantz atalik-atal.

 

NEKAZARI, soloan zut,

taupaka zu eta ama lur

—aragi bi alaruka—

biok bat mamin eta azur.

NEKAZARI, soloan zut.

Agurterdi. AGUR. AGUR.

 



Literatur Aldizkarien Gordailua Susa argitaletxearen egitasmoa da.