Gaurkoa bai jai aundia

J.E.

Gaurkoa bai jai aundia!

Jainkoaren izenean.

onesten du Aita Ixidrok

au gure etxe berria.

Estibaliz-ko Andra Mari,

Gure Mikel Goianingeru,

baita Anton Deuna ere,

bakoitza zaigu Zaindari.

Estibaliz-ko Birgiña

(bi arabarrak izanda,

danok iya gazteiztarrak)

nai-dugu gure Erregiña.

Mikel Deuna euskalerrian,

maite ta premiñazkoa;

orixe gertatzen da be

Angiozar-tarren artian.

Gure enparantz-tokia

beti, Anton Deunarena;

urtero zozkatuten zan

ilbeltzaren txerri aundia.

Gaiñera Jainkoak daki

zenbat maite ditugula

Xabier, Prudentzi, Balendin,

Garikoitz eta Iñaki.

Zenbat asaba zerutik

ona begira bai daude!

Alako laguntzapean

egon geinke bildur barik.

Nik eztakit zergaitikan,

baiña toki ederrenak

bereganatzen dituzte

zerutarrak ludi ontan.

Euren zerua lurbiran

Goiko Jauna goresteko,

baita geure onerako,

tinkotzen dute sarritan.

Aien aztarnak jarraitzen,

(bear ditugula diote),

asi gaitezen lenengo

leku politak biztantzen.

Emengo toki bikaiñak

zeru-zatitxuak dira;

ondu ustiatu ezkero,

guztiok zeru-zaleak.

Ikus dezagun ederra

ludi igarokor ontan

Jainko-osotasunaren

argazki motel bezela.

«Eder osoaren billa

jun gaitezen gaur da beti»

bizirik gauden artean

GURE xede izan dedilla.

Pakea ta batasuna

gorde ditzagun sendian

egipenetan agertzen

elkarrezko maitasuna.

Lau-orrietatik gera

danok euskaldun jatorrak;

ez eze bakarrik gorde,

zabal daigun be euskera,

geure altxorrik onena

kristautasunez batera:

arbasoen ondorentza

ta, berez, Jainkoarena.

Olan bizi-ezkerio

asten gara dastatuten

zeru-bizitza lurrean,

betikoaren abio (1).

Badute orlan jokatzen

etxe ontako lagunak,

oingo ta ondorengoak

BETIKO ONESKUN DEZATEN!!!

(1) preludio

(15-1-72)