Abade jatorra

Josu Exea

ABADE JATORRA...zein miragarri!

Bera baita Jainkoaren gizona,

Kristo bezela geure Artzaiñ Ona,

ta gogoendako ziur euskarri.

        Aren eredua jaku pozkarri

adorez bizitzeko Berri-Ona,

ta aren siñismen sakon-sakona

kristotar danondako, indargarri.

        Olakoxe da egizko apaiza:

Jainko ta bere Amaz griñatua;

        txiro bizitzen, emoten dau aisa:

garbi, adeitsu, ernai, jakintsua,

        oiñ-arazo dau artaldeko zaitza,

jagotzen berariz ardi galdua.

        Jator izatea ez da erreza;

baiña beti izan da alako apeza.

        Zoriontsu dira kristauak, ziñez,

onako bat badauke Gidari lez...