|
Gerlako khantore 1915-ian
Batixta Borthiry-Salla
1
Hogei ta zunbait urthe dian gizun bati,
Gustü zaio khantatzia zunbait breset berri;
Esplikatü nahi düt elhe gütieki
Hebenko bizitzia eztakianari.
2
Agorrilan hasirik, gai-egün güziez,
Ebi ala atheri, beroz ala hotzez,
Salbatü beikirade, lür pian egonez,
Ikhusi gabetarik ezpeitaite sinhets.
3
Urhats oroz batügü alde güzietan
Lagünak ehortzirik adin ederrian;
Zurezko khürütxe bat thunbaren gaiñian
Markatüz hila dela bere zerbütxian.
4
Egün oroz nunbria zaikü emendatzen
Jinkuaren mania arauz hala beitzen;
Gazteriarik ezta haboro baratzen
Azken jüjamentia othe zaikü heltzen...
5
Ait' et' ama hanitzek semiak galdürik
Bestiak alhargüntsa gaxuak trixterik;
Zunbat arima gaxo hola baratürik
Ihurk ezin kunpreni Jinko Jaunak baizik.
6
Trixteziaz ez behar nihauren mintzatü
Gizun gazte niz gerlan iruski agitü;
Zunbat aldiz nai horrek untsa kontsolatü
Ait' ama et' aurhider düt üsü phentsatü.
7
Sei hilabete dira orai igaranik
Sü izigarri hau dügüla hasirik;
Frantziaren egizie othoitze handirik
Etsaiak izan ditin laster ohiltürik.
8
Gure konfidantxa da osoki handia
Ikhusiz algarreki dügün ünionia,
Errespetatüz bethi erlijionia
Guretzat izan dadin hil ondun zelia.
9
Lanjein izana gatik oi gure bizia
Guretzat ez balio hanitx lotsatzia;
Sorthüz geroz zor dügü ororek hiltzia
Bena egon dadila bizirik Frantzia.
10
Lagün biga girade algarri jüntatü
Breset hoien huntzia holaxe haitatü;
Arrenküra haboxik gordatzen dütügü
Uskaldünek algarri kontsolü zor dügü.
11
Breseten egilia deitzen da Borthiry
Gerla, hastetik hunat, jarraiki dü bethi;
Goraintzi bihotzeti Uskal Herriari
Jinko Jaunak lagüntza hel dezala guri.
12
Hamabi breset horik dütügü khantatzen
Uskal Herri maitiaz girelarik orhitzen;
Aizina dügünian Jinkua othoizten
Bizirik ützültzia deiogü galthatzen.
| 
