L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Plazara aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Plazara. 10 zkia. (1988-udaberria) —Hurrengo artikulua




 

 

—Bertso paperak—

 

Gauaren lilura kopla luzetan

 

Patxi Perurena

 

               1

Hautsi omen da anfora

Itsaperatu bafora...

Euskal poetek ezin asmatu dute

Bizitzaren metafora.

 

               2

Ilunpeko argi printzak

Izarren burnizko hitzak...

Gaueko oinazeak herdoiltzen ditu

Irudimenaren giltzak.

 

               3

Zeruaren urdin hutsa

Gauaren larru bilutsa...

Fantasiaren haizkoraz kentzen zaie

Hitz geldotuei huntza.

 

               4

Gau poetaren taktika

Ele galduen praktika...

Haize boladak leihoan idazten du

Euriaren gramatika.

 

               5

Ur gainean hilargia

Zilarrezko estalkia...

Argi errainuen lilura gorrizta

Arratsaren nostalgia.

 

               6

Zumar etzanen iladak

Ibai ertzeko isladak...

Ur eztiaren kantuak neurtzen ditu

Atseginaren silabak.

 

               7

Letra urdinen altura

Zeru garbiko faktura...

Ur axaleko izar dirdira fina

Gauezko literatura.

 

               8

Hodei zuriska ahula

Grisasta edo azula...

Zeruak itsas gainean pintatzen du

Kolore hitsen fabula.

 

               9

Gauezko argi-hazia

Izar xurien grazia...

Elurrezko letretan inprimatua

Zeru urdineko grafia.

 

               10

Argi horizten irrika

Ilun-larruan dirdirka...

Brisa lehunak aidean zabaltzen du

Hilargiaren lirika.

 

               11

Zeru zuriska goibela

Txistuka hegan horbela...

Orriz orri irakurtzen du haizeak

Gau ixilaren nobela.

 

 

               12

Putzuetan ur geldia

Lur beroen izerdia...

Baso beltzean kantatzen dute hontzek

Ilunaren tragedia.

 

               13

Laino berdaska horia

Ur gainera eroria...

Kurriloek zeruan idazten dute

Haizearen historia.

 

               14

Goiz-argien ironia

Ur garbien sintonia...

Errekondoetan musika zuria

Izotzaren sinfonia.

 

               15

Argi ezkilen danbada

Ozena ta zabala da...

Ibar luzean galtzen da oihartzuna

Gau tristuraren balada.

 

               16

Euskal poeten asmoak

Ilunpeko espasmoak...

Herri honi gailentzen ari zaizkio

Heriotzaren salmoak.

 



Literatur Aldizkarien Gordailua Susa argitaletxearen egitasmoa da.