—Hitz neurtuak—

Robinson Crusoe New York-en

Pello Otxoteko

Kalean zehar

mundu berrian

txistuka doa

irrifartsu

street-eko maniki apain hoietan

erantzun baten grinaren bila

beraien denboraren zati bat

axolagabetasunez elkarbanatzeko.

Alperrikan da

ez du merezi

izate doilorra

besterik ez dago

egitura organiko

"arrazoidun" eta "animiko"

horren atzean.

Gizarteak pasiboki

giza-izatea bortxatzen du

bere pozoin-hazia

hitzaren ezpainak

zarrastatuz

gizakiaren nahimenean

ezarri

eta

kontzientziari

senpertzen zaionean.

Ikara sortuko zaio

gizartearen

estaltze krudel iraunkorra

isuri bortitza

jario jarraia

giza-ibaitik

gainezka egiten duela

konturatutakoan.

NON HAGO ROBINSON

HIRE BILA NABILEK!