—Eliot poetaren inguruan—

Burnt Norton

T.S. Eliot

euskaratzailea:
Gabriel Aresti

                            I

Dembora presentea eta dembora passatua

Acaso daude biac presente dembora futuroan,

Eta dembora futuroa contenituric dembora passatuan.

Dembora guztia presente baldin badago eternalqui

irredimible da dembora guztia.

Guertha ahal içan cena abstractione bat da,

bakarric speculationezco mundu batetan

possibilitate perpetual baten ancean dirauena.

Guertha ahal içan cenac eta gerthatu cenac

bethi presente dagoen fin batetara desarratzen dute.

Urrhatsec echo eguiten dute memorian

hartu ezquenuen passagean

inoiz çabaldu ezquenuen atherat

rosa-jardinean. Ene hitzec horrera dute

eguiten echo çure memorian.

                                                     Baina cer asmorequin,

rosa-hostoz bethericaco erratheluan hautsa harrotzen

dutela, eztaquit nic.

                                                  Beste echo batzuec

habitatzen dute jardina. Seguituco dugua?

Arhin, erren çuen çoriac, bilha itzaçue, bilha itzaçue

bazter haretan. Lehen athearen ondoan,

Gueure lehen munduan, seguituco dugua

çoçoaren deceptionea? Gueure lehen munduan.

Han ceuden, dignificaturic, invisible,

lehiaric gabe movitzen cirela, orbelen gainetic,

autumnoco çargorrian, aire vibrantetic,

eta lahar-artean ezcutaturicaco musica ençun-gabeari

arrapostan, çoriac deithu eguin çuen,

eta begui-colpe ikhusi-gabeac gurutzatu çuen, ceren

rosec behatuac diren floreen beth-ikertzea baitzuten.

Bertan ceuden, guc ostatatu, acceptatu eta acceptari.

Hala movitzen guinen, haec eta gu, manera formal batetan

çumardi hutsetic, ezpeletaco circulurat,

butzu leihortura beguiratzera.

Leihorric butzua, cimendu leihorra, ertz ilhunac,

eta butzua eguzqui-arguiticaco urez betheric cegoen,

eta lotosa igaten cen, gueldi, gueldi,

arguiaren bihotzaz dirdiratzen cen açala,

eta haec gure atzean ceuden, butzuan reflectaturic.

Guero hodei bat iragan cen, eta butzua hutsic cegoen.

Çoaz, erran çuen çoriac, ceren rosac haurrez betheric baitzeuden,

excitatuqui ezcutuca, barrea gordeca.

Çoaz, çoaz, çoaz, erran çuen çoriac, genero humanoac

ecin supporta deçaque realitate handiric.

Dembora passatuac eta dembora futuroac,

guertha ahal içan cenac eta guerthatu cenac

bethi presente dagoen fin batetara desarratzen dute.