L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Susa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Susa-20 / Gernika (1987-apirila) —Hurrengo artikulua




 

 

Kanko

 

Oskarbi zen goizeon

 

Bost hatz da ukabila. Ukabila da ardatza.

Egunabarra da Eki-jaiotza. Eki-hamarratza da mortu hila.

              (Hamar gerlari drakar barruan, jauna,

              zisnearen lurreko eremuetan barna).

V zabalez —Il mattino era azurro sulle pioge di un mese—

antzarrak izarzelaietan heze, iparrerako bidean doaz apuro.

              (Sorterriko izei sentonaz, masta.

              Non zutoihala dagoen.

              Atzerriko altzairuz, heriotza.

              Non deus ez den).

—Quello morto é stravolto e non guarda le stelle—

Odoletan gal-gal hainbat ele, zeru-mugetan beleak haboro.

              (Amen aluak ubelduz doaz,

              arrakada gorriz jantzita joan).

Iluntzea da hilotza. Hotza izar-aparra.

Ele galduez arnotuta erretura-hotsa.

 

 

Zenbait ohar orijinalari

 

1 (Erreala da hilotza / hilotsa

            2 (Ibai hegietako lokatzetan lohi,

                narraz, dandarrez, geldo,

                marea gorak irensten ditu

                zerraldoak).

3 («Ez noa Gernikara, ama,

      ez dago zegan den itauntzen dueruk eta»).

            4 (Ululuak dabiltza

                lurpean.

                Tripalak Apirilean).

5 (Kainabera artetik egiten du so

      humeak.

      Bularrekoa du faltan

      Moises berriak).

            6 (Izarzelaietako bidetxidorretan zehar,

                V zabalez doaz antzara basatiak.

                Biderik bidetxidor, hodeirik laino:

                Ez dute baina lumarik galdu).

7 (Gauerdi da ibarrean.

      Meta gainetan humeak.

      Azkonak legez, dir-dir bizian,

      Gernika sutan diraki).

            8 (Basamortu hirudimentsionala

                da airea;

                non haizeak hare-errekak diren,

                non viking-ak ehizean dabiltzan).

 



Literatur Aldizkarien Gordailua Susa argitaletxearen egitasmoa da.