Eguberritako kontu beltza

J. Arano

Amak esaten zidan/ baina nik ezezkoa/ itsua nere tortura./

Otamendiko pipiak jotako/ jauregi harmarriduneko maizterrengana/

ez hadi ingura. /

Gau hartan berriro/ anima tormentatua/ oliatu arte horditua/ oldar txeposoa/

erori hintzean/ nortasun agiririk gabe/ betiko erruan estropozua/

harrizko kanpo/ lehorreko irlote parean./

Ganbara okaztagarrian/ hire herio aurpegia/ irakurtzen zekitelakoan/

heduzkan zai babuak. /

Errielak lepahezurra/ kolpatu zian ordurako/ gauzak ez ziaten enkajatzen/

Haizkora batek/ gizartearen arauak/ apurtu zizkian. /

Isatsdunak Paradisutik uxatu gintun/

Ikus ezean ez dakik/ sukalde hura baino/ badituk ikuilu frango garbiago. /

Ze jende eta ze/ bizi moduak/ atso mozkorra balantzaran/

etxeko nagusi egoskorra eromenean/ seme inozoak/ alabak putak eta/

tripako minaz hildakoa/ txima guztiak/ erroetatik aterata./

Betidanik 20 km./ geratzen zitzaizkidaan/ untziratzeko emeen ortuan. /

Ze arraroa!/ amarraturik egon eta joatea/ biak bat hituan/

nabigatzen zetorrean/ nere arren ameskaiztoa. /

Bost langa dizkik gartzel hark/ imanatua aurrenekoa okerrena/

diztira gabeak gainantzerakoak/ ez hadi irten/ azkenekoa nolakoa/

den frogatzera/ ifernu hartatik ez zegok tornatzerik/

Gure itzalak/ horma haien kontra/ printzatu genizkian/ ez ginenak. /

Ez hadi haruntza abia/ doilorrak kutxiloz/ neurtzen dituk han/

Tira ezak faka herdoildutik, hi!./

Amak esaten zidan/ baina nik ezezkoa/ itsua nere tortura/

Giztxarra bernro hamarrera.