|
7 Elduaien
Igandako urteez ahurretan ezer gutxi
haize-lorratzak bailiren oroimen itsu batzu
nabarmentzeko hitsegi, gogoratzeko lain ez
motor abarrotsa bezalako, errime,
erreka hutsen amiltze barrunbe bat
egun oro hamabietan ohera aurretik
desaditu behar dena
Erromantizismo desitxuratu hau ipuinekoa
bailitzen egite tragikoenak maitatzera
haramana, mitomaniarako joera hori
hain farregarria batzutan
(Antigualdean hil huen Etchahun
eta inzestoaren aroa igana duk)
Autokupida, estatua umel hori, hire
hirugaren itzala
Ez diat pairatzen
pisu paratzen haiz hireaz
mintza eta mintza
Badituk
urrearen dizdirak higan
hire buruaz, esatebaterako
gozo trufatzeko paradan
gustoko haut, maitatuen
halere
isilik hagoenean
Bideberriaren zainetan odola kukuka
minbiziz jotako birika eztulka egunsentia
alanbrez hildokatua ekia mortu gisako tabernetan
kopa asko egin da ohantzen mesedetan
sexu errimeak hitzengan ahozkatzen
sexoak lime utzi gauak plazer aurresentituez
alferrik
beste batetan agian
kameluak
—ahanzturaren saltzailea—
betirako arrastoak pasa zizkigun gau abortoan
bihotzak sala huts antza hiltzeko
kopa gehiago egin eta
lizar iladak sudurretatik
auto bat mundu franko
ilunbetaz ilunbeta abiatu ginen
eiakulazio prekoz modura
izarloka goizaldeko hiruretan oroitzapen hura
gazteago ginenekoa ah Palma de Mallorca
norbait biluztu zen striptease sentimentala
baina kanzonzilorik ez zuen erantzi
zerbezari trago egin ziolako ez zuen negarrik ixuri
beste batetarako apika erabat
biluztea
bigarren mailako ekuazioen mamuak askatu
halere ezinezkoa eritzi genion ebazpenari
sexoa begietan idatzi
ongi ezagutzen ez dugun lotsak eraginda
far karkailetan aterperatuz
bideberriaren zainetan odola kukuka
minbiziz jotako birika eztulka egunsetia
hantu zen gaua koitus
interrupus bilakatu
egunkaria otska laztan ezinezkoa exijituz
eta ahulki hartako neskak bi inutuero herrimina
eta nazka larria jada ate joka
eta artean esperantzaren txute horia komunean
bideberriaren zainetan odola kukuka
espero dugu orain ohantzera nor eramanen
nork beteko zainak zinkuru eta musuz
nork minbizia kutzatuko
eta ez baletor hemen izanen gaituzu bihar
hi tabernari sexu kopa bat
| 
