L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Susa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Susa-33 / Afrika, suzko gezia (1994-abendua) —Hurrengo artikulua




 

 

Asier Serrano

 

650 milioi gorpu zuri Afrikari

 

Opa diezaiogun Afrikari

azken otoitz bat:

ez zituen zuri beltzak gona argiko

zerraldoak bizar atxurrarekin pairatzerik izan

laztanen laztanez ihes egin zuen

Abrahamen aitonaren tenisera jokatzeaz aspertu zen beltzak

burdinolazko mahaietan hil zuhaitzak landatzen zituen

—650.000.001 zuhaitz landatu guztira—

olatu itsaskor azido nitrofosfatiko bat noiz agertuko esperoan

ito zedin kanposantuko ehortzailea

—nahiz eta izena inoiz gustatu ez izan—

baina bazen zerbait eta Isaac-i egin zion apustu

eta gero Moises-i

eta gero zuhaitzen ordez hilen gorpuak landatzen hasi zen

burdinolazko magma gori eta biguinean

—650.000.002 gorpu landatu guztira—

jada ez zuen itsasorik desiratzen

euri azidoa etorri zitzaion gorputzeko beltza zurituz

eta Afrikaren falta sentituz

bere bakarkako lanean

itolarria eta berriro ere gorpu faltan

berea ehortzi zezakeela otu zitzaion

baina herriminaren mendekuaren ardaskak ez zion inoiz

sekula

bere

hazitik

atera

kontinentea.

 

 

 

Aro berria jaio da

 

Nire begi beltzek elurpeko ganbarak dituzte laket

ez baneza zilorik urratzeko

ez banintz Afrikako seme

beren bakardadeko penetan

non da ama oihukatzen ohituak dira

jaioberri gosetiak

baina ez dut erantzunik jasoko

—ulerkaitza—

gainera imintzio negar gehiegi da munduan

jaioberri gosetiekin nahasteko

egin dezatela Babelgo dorre bat

baina egungo demokraziak ez die barkatuko

baina independentziaren egarriak ez die zigortuko

ezkerralderantz okertuz gero

nor dira bada

oker fisikoa okerra dela argudiatzeko

jainkoak baleza arraza oro elkartu

aro berria jaio da

negartiena galtzaileena

ezkerrera okertzen direnena apila

jaioberri gosetiek beraien ahultasuna onartuko dute

ez dira makurtuko hala ere

balizko jainkoen altzoan ahultasuna ezkutatzeko

onartuz denbora geldituko diote agure mitomanoari

aro berria jaio da

baina

nire begi beltzek elurpeko ganbarak dituzte laket

ez baneza zilorik urratzeko

ez banitu bi begi labanaz irekitzeko

jaioberri gosetiak itsu dira

odolez garbituz amaren malkoak

ez da negarrik ahulak dira

aro berria jaio da

 



Literatur Aldizkarien Gordailua Susa argitaletxearen egitasmoa da.