Makifa Gwala

euskaratzailea:

Arantxa Hirigoien

        Hegoafrikako Verulam herrian jaio zen Mafika Gwala 1946. urtean. Fabrikako langile izan zen lehenik, eta idazkari eta irakasle gero. «Black Review 1973» aldizkaria sortu zuen, eta artikuluak eta ipuinak han-hemen kaleratu ostean heldu zen bere «Jol'iinkomo» poema bilduma (Donker-ek argitaratua).

Nazkatuta hago!

Batzuetan anaia bat erortzen da

iruzur egiteari uko egiteagatik

eta bere erorketak min ematen du.

Bai, anaia beltz horiek guztiak erortzean min daukate.

Orduan, basoko usain bat datorkit

baso uxakaitzaren usaina arnas hartzen dut

Mambarekin identifikatzen naiz

Khung-khunga gizona bilakatzen ari naiz

Suburbioko basoan bizirik dirauen izpiritu beltzarekin bat nator.

Ghettoko leiho batetik, phutu usaina ateratzen da

Ghettoa, ezagutzen ikasi dudan basoa

askatasun abestien erritmoan jotzen diren

tam-tam afrikarrak entzuten ditut

eta nireganatzen den ahotsak honela dio:

            Khunga, Khunga!

            Untshu, Untshu!

            Funtu, Funtu!

            Shundu,Shundu!

            Sinki, Sinki!

            Mojo, mojo!

            0...! O...o...m! O...hhhhhhmmmmmm!!!