L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Vladimir aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Vladimir. 10. alea (1998-abuztua) —Hurrengo artikulua




 

 

Juanjo Olasagarre

 

Euri eza eta bizi-arazoak direla medio

sentimendu demografiak

urrikuntza ikaragarria hartu du

atxiloketa ugariak

gauez gau

nekez heltzen dira

egun lanbrotsutako zirraren

espetxe guttunak

noizbehinka lerro hits batzu

uhuri gargail gisa

isiltasuna gero

errefuxiapenak urrutiko herrietara

—perzepzio bestelakoen erresuma ilaun—

estradizio uholdeak

heriotz zigor akitzen dira

gure burua maite duguneko jats beltza esaterako

hilobi amankomunean datza

hira lits urgunekin batera

desioa gau-haginetan

itzultzen da doi

ihes egiteko berehala

atzipe ez dezaten

proteina dugun hogena

zokorik ilunenetan gorde behar izan da

azken heroi bezala

ekintza suizidetara behartua dago

euri eza eta

bizi-arazoak direla medio

sentimendu demografiak

urrikuntza ikaragarria hartu du

lurralde okupatuan bizi

lurralde okupatuan izan.

 

In Gaupasak, Susa, 1991                



Literatur Aldizkarien Gordailua Susa argitaletxearen egitasmoa da.