Eguzkiaren aharrausi handi eta horia

Izkina bakoitzean berragertzen da

Eta nik

Gaueko zaindariak

Egunsenti bakoitzean bilatzen zaitut

Begiak zanpatzen dizkidan

Lo ezaren harat-honatean

Eta botak euriz zipristindurik

Eta inon egoten ez den

Egunen iraganean

bazarena sinetsi behar dut

non izango zara maitea

Une hau definitzen?

Ziurrenik bizitzaren (solapan)

Baikortasunaren lorea izekiz

Nire esku artean gatibatu zaitzaket

Baina...

Zer esango luke herriak?

Barka kamarada txantxetan izan zen

Serioski esan nuen

Berdin dio

Ez da posible

ez dut etsiko

maitasunaz ulertzen ez duen eta banatzen gaituen

iraultzaz ulertzen duen eta batzen gaituen

distantziaren premiazkotasuna ulertzen dut

zu begi ninietan eramateko erraztasuna dut

nire arima paper ugaritan bildurik

bizitzaren ardatzean haizatuko da

herriak fabrikatutako txistuz

eta landutako lurren hatsaz puztuko du bere handitasuna

hain nire hain zuen

guztion borroka honetan

handi sentitzen naiz