Euskaldun laminei

Jon Mirande

   Aingeru harroak, heren-suge hotzak

Adonaien zeru agorretan zutik,

Hik, giristinoa, gorets itzak...

   Beude goian neure gatik.

   Niketz, oi! ahizpok, jainkosa pollitak,

Andere Lurraren lehen-jaioak haur,

Lilluraturikan zuen lurtar kantak

   Zuetan dut ustea gaur.

   Aintzina herri hau zuena izan da,

Jentil-harrietan jarrita zegoen

Zuendako esne, gurin: oberenda

   Giza-bihotz ta-gogoen.

   Geroz zuen hatzak elas! dira galdu

Ibai ta leizeetan, eta gure baitan;

Latinez otoituz zaituzte ohildu

   Gizon beltzek elizetan.

   Judaiar Baalen neu sinhestun ez naiz,

Jentilen odola niregan badabil

Asaben modura gur dagizuet: maiz,

   Gauaz ager guri hurbil,

   Aintzina bezala emeezue berriz

Zuen jakintzaren urrea jendeeri,

Alait'ezazue musuz eta irriz

   Zeru-minez dena eri,

   Morturik etorri sinesmen arrotza

Euskal Herritikan aizinezate ken

...Eragina baitu euskaldun bihotza

   Lur Amaren gana zeken......

1961.3.3