L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko Gogoa (III. urtea. 1952 gko
Uztaila-Dagonila. 7-8 garren zenbakiak) —Hurrengo artikulua




 

 

—Olerti—

 

Pedro'ri begira zion...

 

Jautarkol

 

Oi, Jesus'en begi eder eta argiak

Jainkozko dirdiraz, errukiz beteak!

Beira nazazute, Pedro'ri bezela,

biotza au, izotzez ilko zait bestela.

 

Neri ere errukiz ta maitez begira

ta begiak malkoz urratuko dira,

eta maite-damuz arpegitik beera

ixuriko zaizkit, Pedro'en antzera.

 

Oi, nere Jesus'en begi maitetsuak

sua darioten izpi doatsuak...!

Zulatu ta sutu nere biotz otza,

betiko urtuaz pekatuzko botza.

 

Kementsu ta zintzo, Pedro'ren antzean

jarraitu nai zaitut gurutze-bidean

Ark bezela askotan ba'zaitut ukatu

gaurtik ta betiko nai zaitut maitatu.

 

Zure etsaien aurka, burruka gaitzean

Zugatik bizitza nik eman artean,

beira nazazute Jesus'en begiak,

maitasun-dirdiraz, errukiz josiak.

 



Literatur Aldizkarien Gordailua Susa argitaletxearen egitasmoa da.